Кербен шаардык Кенешинин 2019-жылдын 18-декабрындагы № 21/3 токтому

Кербен   шаардык   Кенешинин   VII  чакырылышынын  кезексиз   жыйырма биринчи  сессиясы                                                          

Т О К Т О М

Кербен шаарынын мэриясынын, Кербен шаарынын Уметалиев көчөсүнүн №250 үйүнүн тургуну Мирланбек Шабдановго жана Афган согушунун катышуучуларына арналып тургузулуп жаткан эстеликке каражат, ветеринардык операторго штат бөлүп берүү тууралуу сунушу жөнүндө

Кербен  шаарынын   мэри  Н.Эсеналиевдин 05.11.2019-жылдагы № 3-35/664 сандуу кайрылуусун жана шаардык Кеӊештин финансы, бюджет боюнча туруктуу комиссиясынын 2019-жылдын 25-ноябрдагы № 65 токтомдоруна негиз, жогорудагы маселени  карап  жана  талкуулап  чыгып, Кербен  шаардык  Кеңешинин  VII  чакырылышынын  кезексиз   жыйырма биринчи  сессиясы

                        Т О К Т О М     К Ы Л А Т :

1. Кербен шаарынын борборунда  Афган согушунун катышуучуларына арналган эстеликтин курулушуна 20 000 (жыйырма миӊ) сом акча каражатын 2019-жылдын бюджетинен бөлүп берүүгө макулдук берилсин.
2. Кербен шаарында идентификацияланган үй жаныбарларын бирдиктүү мамлекеттик реестрге киргизүү жагы мэриянын тийиштүү адистерине милдеттендирүү жагы шаардын мэрине жүктөлсүн.
3. Кербен шаарынын Уметалиев  көчөсүнүн № 250-үйүнүн жашоочусу М.А.Шабдановго  өрттүн кесепетин жоюу үчүн  60 000 (алтымыш миӊ) сом  колдоо көрсөтүүгө уруксат берилсин.
4. Кербен шаарынын 2019-жылдын бюджетине тиешелүү өзгөртүүлөрдү киргизүү жагы Кербен шаарынын мэриясынын ФЭБ башчысы Б.Ыманбай уулуна жүктөлсүн.
5. Бул  токтом  мамлекеттик  реестрге   киргизүү  жана  каттоо  үчүн  Жалал-Абад  областтык   юстиция  башкармалыгына  жөнөтүлсүн.
6.   4.Токтом  «www.  Kerben.Aksy. kg»  веб-сайтында  жарыялансын.               
7. Бул  токтомдун   аткарылышын   көзөмөлдөө жагы финансы, бюджет боюнча туруктуу комиссиянын төрагасы Р.Момуновго жүктөлсүн.

Кербен  шаардык  Кеңешинин  төрагасы:                         Н.Шадыбеков

• Кербен ш. 18.12.2019-ж. №21/3