Кербен шаардык Кенешинин кезектеги сессиясынын 2023-жылдын 25-апрелиндеги № 10/13 токтому

Аксы  районунун  Кербен  шаардык  Кенешинин  VIII чакырылышынын  кезексиз онунчу сессиясы

  Т О К Т О М

Кербен шаарынын тургундарына таза-суу пайдалангандыгы үчүн жаӊы тарифтердин өлчөмү жөнүндө

            “Жергиликтүү мамлекеттик администрация жана Жергиликтүү өз алдынча башкаруу жөнүндө” Кыргыз Республикасынын Мыйзамынын 34-беренесинин 2-пунктунун 11-пунктчасына  ылайык таза муздак сууну пайдаланууну жөнгө салуу максатында,  шаардык Кеӊештин  суу жана агрардык маселелер боюнча туруктуу комиссиянын 2023-жылдын  18-апрелиндеги  № 30-токтомун  карап  жана  талкуулап  чыгып, Кербен  шаардык  Кеңешинин  VIII-чакырылышынын  кезексиз онунчу  сессиясы

ТОКТОМ    КЫЛАТ : 

1. Кербен шаарында ичүүчү муздак таза суу пайдалануу тарифи 1м³ үчүн төмөнкүдөй белгиленсин:

• Калк үчүн – 12,25 (он эки сом 25 тыйын) ;
• Коомдук ашканалар, мончолор, автоунаа жуучу жайлар үчүн -20 (жыйырма).

2. Суу пайдалануунун көлөмүнүн нормасы тиркеме ылайык бекитилсин (тиркелет).
3. Жаӊы тарифтер 2023-жылдын 1-майынан колдонууга киргизилсин.
4. Кербен шаардык Кеӊешинин 2014-жылдын 5-мартындагы “Кербен шаарынын суу пайдалануучуларына таза ичүүчү сууну пайдалангандык үчүн тарифтердин өлчөмдөрү жөнүндө” № 8/5 жана 2022-жылдын 8-апрелиндеги № 4/3 токтомдору жокко чыгарылсын.
5. Бул токтом  мамлекеттик  реестрге   киргизүү  жана  каттоо  үчүн  Жалал-Абад  областтык  юстиция  башкармалыгына  жөнөтүлсүн.

6.Токтом  «www. Kerben.Aksy. kg»   веб-сайтында  жарыялангандан  кийин  күчүнө   кирет.

7.Бул  токтомдун  аткарылышын  көзөмөлдөө  жагы айыл чарба жана суу ресурстары  боюнча   туруктуу  комиссиянын   төрагасы  А.Турдалыевге   жүктөлсүн.

 

 Кербен   шаардык 

Кеӊешинин   төрагасы:                                Ж.Омуралиев

 

Кербен ш. 25.04.2023-ж Токтом №10/13

                                                                                                                                                                              

Тиркеме

Кербен шаардык Кеӊешинин  2023-жылдын 25-апрелиндеги

№  10/13 токтому менен бекитилген

 Кербен шаарында таза-суу пайдалангандыгы үчүн жаӊы тарифтердин өлчөмү жөнүндө 

№	Ичүүчү сууну пайдалануучулар	1 м3 суунун тарифи (сом)	Саны	Суу пайдалануу нормасы л/сут.
1	Короосунда суу түтүгү барлар үчүн	12 сом 25 тыйын	1 адам	100 (бир адамга)
2	Көчөдөгү суу түтүгүнөн пайдалануучулар үчүн	12,25	1 адам	35 (бир адамга)
3	Короо суугаруу 1м2	12,25	1м2	15
4	Кара мал	12,25	1 баш	70
5	Жылкы	12,25	1 баш	40
6	Кой-эчки	12,25	1 баш	10
7	Автоунаа жуу үчүн	12,25	1 автоунаа	200
8	Коомдук ашканалар; -мончолор; -автоунаа жуучу жайлар – ресторандар (тойкана)	20,00	1 орун 1 жуунуучу 1 автоунаа 1 блюда	300 120 200 25

 

Эскертүү: Башка жайлар үчүн суу пайдалануу нормасы КР мамлекеттик курулуш жана коммуналдык чарба боюнча ыйгарым укуктуу өкүлү тарабынан бекитилген нормага            ылайык белгиленет.

                                                                                                         

Кербен шаардык Кеӊешинин

 жооптуу катчысы:                                                                       Д.Алиев