2024-жылдын 30-майындагы Кербен шаардык Кенешинин кезексиз сессиясынын № 25/4 токтому
Автору Админ
Окшош макалалар
Аксы районунун Кашка-Суу айыл Өкмѳтүн ѳз алдынча калтыруу жөнүндө
Кыргыз Республикасынын Министрлер Кабинетинин Төрагасынын биринчи орун басары А.А.Касымалиевдин 01.04.2024-жылдагы, Кыргыз Республикасынын Министрлер Кабинетинин «Кыргыз Республикасынын жаңы административдик-аймактык бирдиктери жөнүндө» Кыргыз Республикасынын Мыйзамынын долбоорун иштеп чыгуу боюнча иш-чараларынын Календарлык планынын негизинде, Кашка-Суу айылдык кеңешинин чечимдеринин 27.09.2023-жылдагы № 19/1 токтомун, 12.10.2023-жылдагы № 20/1 токтомун, 22.01.2024-жылдагы №23/1 токтомун, ошондой эле 18.11.2023-жылдагы Элдик Курултайдын делегаттарын шайлоо боюнча Кашка-Суу айыл аймагынын өкүлчүлүктүү жыйынынын Протоколунун чечимин жана тургундар менен болуп өткөн жыйындарды эске алып, угуп жана талкуулап, Кербен шаардык Кенешинин VIII чакырылышынын кезексиз жыйырма бешинчи сессиясы
ТОКТОМ КЫЛАТ
- Кыргыз Республикасынын Министрлер Кабинетинин «Кыргыз Республикасынын жаңы административдик-аймактык бирдиктери жөнүндө» Кыргыз Республикасынын Мыйзамынын долбоорун иштеп чыгуу боюнча иш-чараларынын Календарлык планына ылайык, Кашка-Суу айыл аймагы төмөндөгү жүйөлүү себептердин негизинде, «Кашка-Суу айыл Өкмөтү» өз алдынча айыл аймак болуп калтырылсын.
– Кашка-Суу айыл аймагынын географиялык жана картографиялык абалына;
– Кашка-Суу айыл аймагынын аба ырайынын жана шартынын катаалдыгына;
– Тоолуу аймакта жайгашып, кыш мезгили алты-жети айга созулгандыгына;
– Кашка-Суу айыл аймагынын калктуу конуштарынын чачыранды кокту колоттордо жайгашкандыгына;
– Райондун борборунан 25-50 чакырым алыстыкта жайгашкандыгына;
– Кашка-Суу айыл аймагы Өзбекстан Республикасы менен чек арада чектеш жайгашып, жалпы узундугу 17 чакырым аралыкты түзгөндүгүнѳ;
-Кашка-Суу айыл аймагынын Өзбекстан Республикасы менен чек арада чектеш жайгашкан 4 (төрт) айылы өзгөчө чек ара статусуна ээ болгондугуна;
-Деңиз деңгээлинен бийиктиги 1550-1800 метр экендиги;
– Туруктуу жашаган калктын саны 11000 адамдан жогору экендигине;
– Туризмди өнүктүрүү, өндүрүш ишканаларын иштетүү жолу менен киреше булактарын көбөйтүп, 2025-2026-жылдар ичинде дотациядан чыгаруусуна;
– Падыша-Ата мамлекеттик жаратылыш коругу ЮНЕСКОнун тизмесинде туруп, айыл аймак буфердик аймак болуп эсептелгендигине;
-Кашка-Суу айыл аймагы Кыргызстандын эң кооз аймактарына киргендиктен, кооз табигый жаратылышын сактап, климаттык туруктуулукту сактап келгендигине;
-Айыл аймагынын ортосунан кесип өткөн Падыша-Ата дарыясы үч айыл аймагын жана бир шаарды ичүүчү таза-суу жана сугат суу менен камсыз кылган, кооз жана таза мөлтүр сууну сактап келгендигине;
-Элдин байлыгы болгон жайыттарды эрозиядан сактап калуусуна;
-Айыл аймагыбыздагы дарыяга жана агын сууларыбызга чакан ГЭСтерди куруп мамлекетти энерго кризистен чыгарууга көмөктөшүп келгендигине;
-Кашка-Суу айыл аймагы ички жана тышкы инвесторлор менен тыгыз кызматташып, жергиликтүү калкты жумуш менен камсыз кылгандыгына;
– Айыл аймагы мындан 40-50 жыл кийин да инвесторлорду тартууга, курулуштарды курууга запас жер аянттары жана толук мүмкүнчүлүктөрү бар экендигине;
- Бул токтом мамлекеттик реестрге киргизүү жана каттоо үчүн Жалал- Абад областтык юстиция башкармалыгына жөнөтүлсүн.
- Токтом «www.kerben.aksy.kg» веб-сайтында жарыялангандан кийин күчүнө кирет.
- Бул токтомдун аткарылышын кѳзѳмѳлдѳѳнү ѳзүмѳ калтырамын.
Кербен шаардык
Кеӊешинин төрагасы Р. Назарбеков
Кербен ш. 30.05.24-ж. 25/4
Автору Админ
